«شعر العجم» نوشتة شبلی نعمانی، از دانشمندان و پژوهشگران توانمند هندوستان است، که با دانش فراوان و آگاهی کامل از تاریخ دین و مذهب، فرهنگ و ادبیات، فلسفه و تمدن اسلامی، از دریچة علم معاصر به پژوهش آنها آغاز بخشید. وی را بی هیچ تردید، میتوان از پایهگذاران علم تاریخ ادبیات در کشورهای شرق، به ویژه در هندوستان، ایران، افغانستان، ترکیه و فرارود دانست. در زمانی، که علما هنوز به روش سنتی تذکرهها مینگاشتند و علوم ادبی هم در راه تجدید نظر در پژوهشهای پیشین گامهای نخستین برمیداشت، شبلی نعمانی با استفاده از روشهای ادبیاتشناسی نوین، که در غرب رایج میگردید، به تألیف تاریخ ادبیات و بررسی مباحث جداگانة آن پرداخت و این ابتکار او تا به امروز شایستة استناد و اعتبار است.
نشر حاضر بر مبنای تحریر دوم ترجمة «شعر العجم یا تاریخ شعرا و ادبیات ایران» (تهران: دنیای کتاب، چاپ سوم، 1368 ش .) ، که از سوی سیدمحمد تقی فخر دایی گیلانی انجام شده است، فراهم شده است.
کتاب «شعرالعجم» به خط سیریلیک و جلد یکم آن در 544 صفحه و جلد دوم در 576 صفحه توسط مطبعة دانشگاه دولتی آموزگاری صدرالدین عینی تاجیکستان منتشر شده است.
«Шеър-ул-Аҷам» навиштаи Шиблии Нуъмонӣ – аз донишмандон ва пажӯҳишгарони тавонманди Ҳиндустон аст, ки бо дониши фаровон ва огоҳии комил аз таърихи дину мазҳаб, фарҳангу адабиёт, фалсафа ва тамаддуни исломӣ, аз даричаи илми муосир ба пажӯҳиши онҳо оғоз бахшид. Вайро бе ҳеч тардид, метавон аз поягузорони илми таърихи адабиёт дар кишварҳои Шарқ, ба вижа дар Ҳиндустон, Эрон, Афғонистон, Туркия ва Фарорӯд донист. Дар замоне, ки уламо ҳанӯз ба равиши суннатӣ тазкираҳо менигоштанд ва улуми адабӣ ҳам дар роҳи таҷдиди назар дар пажӯҳишҳои пешин гомҳои нахустин бармедошт, Шиблии Нуъмонӣ бо истифода аз равишҳои адабиётшиносии навин, ки дар Ғарб роиҷ мегардид, ба таълифи таърихи адабиёт ва баррасии мабоҳиси ҷудогонаи он пардохт ва ин ибтикори ӯ то ба имрӯз шоистаи истиноду эътибор аст.
Нашри ҳозир бар мабнои таҳрири дувуми тарҷумаи «Шеър-ул-Аҷам ё Таърихи шуаро ва адабиёти Эрон» (Теҳрон: Дунёи китоб, чопи севум, 1368 ш.), ки аз сӯи Сайидмуҳаммад Тақии Фахри Доии Гелонӣ анҷом шудааст, фароҳам шудааст.
Китоби «Шеър-ул-Аҷам» ба хатти сириллик, ҷилди якуми он дар 544 сафҳа ва ҷилди дувум дар 576 сафҳа тавассути матбааи Донишгоҳи давлатии омӯзгории Садриддин Айнии Тоҷикистон мунташир шудааст.